पुणे : राज्यासह पुणे शहरातही दोन एप्रिल रोजी ‘पोलिओ रविवार’ उपक्रम पार पडला. पोलिओचा डोस देण्यासाठी पाच वर्षांखालील मुलांना घेऊन पालकांनी पोलिओ बूथवर गर्दी केली होती.
वानवडी (प्रभाग क्रमांक २५) येथील समाजसेविका कोमल शेंडकर यांच्या हस्ते लक्ष्मी मेडिकल स्टोअर्स येथे बालकांना पोलिओचा डोस देण्यात आला. देश पोलिओमुक्त करण्यासाठी गेली काही दशके सरकार ‘पोलिओ रविवार’ ही योजना राबवत आहे. अनेक सामाजिक संस्था आपापल्या परीने या उपक्रमाला हातभार लावत असतात. कोमल शेंडकर यांनीही त्यात सहभागी होऊन समाजसेवेचे व्रत निभावले.